Streets of Old Hong Kong

取代寶靈的德輔

德輔道，係香港的商業中心，23間香港註冊持牌銀行中，有多達11間於此設置總行，包括匯豐銀行（銅獅子像入口）及渣打銀行兩大英資發鈔銀行。電車及地鐵軌亦都選址於德輔道中通過，以方便上班族。呢條道路嘅繁盛，從日佔時期改以時任天皇名號命名作昭和通可見一斑，直到依家仍然係香港作為亞洲金融中心嘅代表街道。呢條重要嘅街道以第十任港督德輔爵士（Sir George William Des Vœux）命名，但原來昔日並非叫德輔道，而係以第四任港督寶靈爵士（Sir John Bowring）命名。點解呢條重要嘅街道會改名，就要從港島北岸嘅填海歷史開始講起。